「致敬词圣卢国沾作品演唱会 」红馆圆满完成

「致敬词圣卢国沾作品演唱会 」日前 (7 日) 於红磡体育馆圆满完成，一众表演嘉宾包括叶振棠丶徐小明丶罗嘉良丶吕珊丶李龙基丶张德兰丶米雪丶温兆伦丶雷安娜丶蒋志光丶麦洁文丶黄宝欣丶罗敏庄丶张与辰和刘洋联同由麦家乐担任指挥的寰宇交响乐团以沾Sir的经典金曲向他致敬。

打头阵的张德兰以一曲《相识也是缘份》为全晚演唱会揭开了序幕，之後她说：「首先我要多谢大家嚟支持今晚演唱会，其实卢国沾先生真系写咗好多令大家刻骨铭心嘅金曲，对我哋香港乐坛有好大嘅贡献，卢国沾先生嘅作品系我哋香港好宝贵嘅文化遗产，你哋话系唔系？所以我喺度希望大家用你哋最热烈嘅掌声送俾卢国沾先生，好嘛？」此时全场掌声雷动，德兰续说：「我睇过卢生佢生前出嘅一本书，叫做《歌词的背後》，我睇晒成本书，我发觉卢生原来好锺意大自然，所以如果你有留意卢生嘅歌词，你会发觉佢系会有好多对大自然嘅描写，更加有好多佢嘅人生哲理喺里面，咁我知道佢今晚佢嘅女女喺度，卢太亦都喺後台听我哋唱歌，我想借呢个机会除咗多谢卢生，亦都要多谢卢太，因为佢一直都比好多支持同埋佢好爱卢生，我同佢哋真系相识咗好耐，咁呢个时候我唔阻大家咁多时间，我喺度送俾大家一首我好锺意嘅歌，大家可以细味里面嘅歌词，呢首歌我比较少唱，但我今晚好想用心将佢唱俾大家听，呢首歌就系《情若无花不结果》。」唱毕此曲後德兰说：「真系好挂住佢，跟住我唱嘅歌可以话改变咗我嘅歌唱事业，因为呢首歌系卢生第一首写俾我嘅电视剧插曲，《鲜花满月楼》」

接着的李龙基献唱了《陆小凤》和《浣花洗剑录》；

吕珊先唱出《每当变幻时》，珊姐说；「好多谢主办单位邀请我嚟演绎沾Sir嘅歌，其实佢咁多首唔同类型嘅歌曲，喺我哋嘅成长过程都代表唔同嘅片段，佢嘅歌太精彩，只只歌我都想唱，大家平时应该好少见到我着晚装，今晚可以同咁好嘅乐团一齐合作，跟住送俾大家嘅呢首歌都系由细唱到大，呢首就系《神凤》。」

叶振棠出场先唱出《大内群英》，棠哥说：「多谢大家对卢Sir嘅支持，其实我自己当年好幸运，因为我加入丽的电视之後就一口气可以唱咗六套剧嘅主题曲同插曲，呢啲主题曲同插曲都系卢Sir嘅作品，大家仲记唔记得《大内群英》丶《浮生六劫》丶《浴血太平山》丶《大侠霍元甲》同埋《太极张三丰》嘅主题曲，仲有《浮生六劫》嘅插曲《戏剧人生》丶《浴血太平山》嘅插曲《找不着藉口》丶《大侠霍元甲》嘅插曲《谁知我心》，我非常非常多谢卢Sir对我嘅爱戴，但系大会同我讲虽然我自己有咁多首卢Sir嘅靓歌，但我只可以拣两首，不过我要唱三首，我问点解呢？佢哋话我要代表Michael Kwan向卢Sir致敬，各位朋友《天蚕变》」；

久违的黄宝欣献唱了《骤雨中的阳光》和她当年参加第四届新秀歌唱比赛时的作品《我为你狂》。

罗嘉良从升降台出现在大家眼前唱出《秦始皇》，之後他说：「卢国沾先生写咗咁多脍炙人口嘅歌曲，令到我哋留下咗咁多美好嘅回忆，我喺1984年参加新秀歌唱比赛嗰阵认识卢生，当时佢第一次见到我，我亦都系第一次见到佢，眨吓眼已经41年，我非常多谢我嘅恩人卢国沾先生，因为如果冇佢就唔会有我罗嘉良，我相信大家都会永远怀念卢生，我好开心成为佢嘅徒弟，跟住我要送俾大家卢生一首非常出名嘅歌曲，亦都系一首电视剧嘅主题曲，大家头先开场嘅时候呢首歌就已经响起，送俾大家，《残梦》」。

接着雷安娜先後唱出《明日话今天》和《愿君真爱不相欺》，她更找来蒋志光和她合唱《人在旅途洒泪时》，之後蒋志光再唱了《渔舟唱晚》及《大地恩情》。

中年好声音3的张与辰先出场唱《决战前夕》，刘洋紧接出场唱《雪中情》，之後他们两人合唱《傲骨》。

压轴出场的温兆伦先唱出《随缘》，Derek说：「我重新一次介绍自己，大家好，香港嘅朋友好耐冇见，我系温兆伦，好荣幸可以嚟到今晚红馆呢个舞台，我哋可以一齐向卢国沾先生致敬嘅同时，我哋唔可以忘记一件事，一个成功男人嘅背後一定有一个好好嘅女人支持佢，同唔同意呀？所以大家要对老婆好啲，今晚我哋嘅掌声除咗系送俾卢国沾先生，我哋更应该用更热烈嘅掌声鼓励同埋送俾卢国沾夫人，卢太，多谢妳同沾叔睇住我入行，我都好幸运喺拍剧嘅期间遇到好多好嘅剧本，其中有一部剧我相信大家都有睇过，叫做《今生无悔》，跟住落嚟送俾大家同名嘅歌。」Derek在唱毕《今生无悔》後，便联同其他歌手大合唱《前程锦绣》，为「致敬词圣卢国沾作品演唱会 」画上了圆满句号。