新闻女王2｜邓美欣为角色增磅，2个月日食4碗饭：肥咗7kg

邓美欣（Venus)今日（21/4）现身将军澳电视城出席无线新剧《虚拟情人》之“谁是完美情人？”宣传造势活动。讲到完美情人，Venus接受《香港01》访问时表示：“其实我就唔系著重外表，反而我觉得内在美先系最紧要。一定要孝顺，同埋有沟通，有鼓励同支持。因为以前同男友出现嘅问题都系沟通方面出现咗问题而导致分手，咁所以对我嚟讲沟通系我首要嘅嘢。”

邓美欣为角色增磅7kg。（叶志明摄)

此外，Venus亦准备为无线另一重头剧《新闻女王2》开工，Venus为了剧中角色不断增磅，工作态度相当认真：“其实我喺两个月前，我已经展开增肥嘅行动，因为之前拍《新闻女王》嘅时候，幕后圈队都话我过瘦，觉得我块面能够饱满啲可以更吸引。就系因为咁，我喺呢段时间，我每日迫自己食4碗饭，变咗我而家上身同块面系肥咗，咁所以我系成功增磅肥咗7kg。”

邓美欣现身将军澳电视城出席无线新剧《虚拟情人》之“谁是完美情人？”宣传造势活动。（叶志明摄）