周奕玮快闪新加坡，见证麦美恩畏高劲淆底

艺人麦美恩（Mayanne）2月28日刚度过了38岁生日，日前更被发现“畀仔围”庆生，但原来生日之前，她已相约两位闺密周奕玮（Jarvis）及骆胤鸣快闪新加坡旅行，预祝自己生日快乐。3位“傻人”尽兴而归，恍如重返中学生涯齐齐玩转主题乐园，返港后依然回味无穷。

一齐去飞车﹗

食得好开心呀。

Jarvis受访时笑言：“趁住大家工作有空档就约埋一齐去个旅行，拣新加坡做目的地系因为我本身好锺意哈利波特，知道旧年年底开咗个新嘅哈利波特乐园，所以就系咁说服佢哋两个陪我去。我仲同Mayanne讲，因为旧年佢喺新加坡攞咗个‘亚洲最佳娱乐节目主持奖’，但当时行程太赶，佢都冇机会喺嗰边玩过，今次可以借机凯旋回归嘞。”

“赢”咗踏上颁奖枱。

chill吓、轻松吓。

闺密去旅行，自然玩得尽兴。

Jarvis又半开玩笑指出发前根本不记得Mayanne生日：“所以喺嗰边我哋冇同佢庆祝过，系返到香港先醒起咋，哈哈！”他自爆3人都是榴梿控：“喺新加坡我哋一齐大擦特擦榴梿，去嗰几日食咗好多餐，完全唔理热气。而Mayanne本身畏高?，但系畀我哋两个带咗佢去个稍为有啲高度嘅观光点，佢不嬲都有啲霸气嘅，但点知一上到去，几秒唔够佢突然淆晒底，真系好好笑。”