何泳芍假牙戴得多，完全融入口中变哨牙珍

由有周嘉洛、陈滢、朱敏瀚及JW（王灏儿）主演的无綫新剧《痞子无间道》正在热播中。扮演陈滢近身丫鬟金珍的何泳芍、韦家雄花面四大老婆的叶凯茵、跛脚二夫人廖蚊的李芷晴、断臂三夫人林渚黄婧灵，以及大肚四夫人白笺宝珮如经已陆续登场，其中何泳芍的哨牙造型相当突出，说话时语带乡音，她受访时表示：第一季我嘅‘哨牙珍’造型好突出，但冇乜戏份，只系一个好普通嘅村民，感恩监制锺意呢个角色，所以我可以保留到第二季。其实上季个角色系样衰啲，但再玩样衰惊大家闷，所以今次就希望转玩偏可爱路线。

她预告角色后期会迎来极大变化，更要处理不少感情场口：多咗啲深层次发挥，唔系净系搞笑?。又感激对手周嘉洛及陈滢拍摄期间给予不少机会及意见。由于今次要戴住假哨牙讲对白，她透露事前个多月戴假牙练习说话，岂料却出事：练习主要系预防拍摄时黐脷筋，而我个嘴好似适应咗副假牙咁，包到实晒搞到我愈嚟愈唔哨牙，有日阿滢好认真咁同我讲，你一CUT机会就要除假牙，唔好再戴喇，佢话我个嘴已经完全融合咗棚牙，之后我戴少咗棚牙又真系故突出番。

而李芷晴亲解她们四位太太甩头甩髻之谜说：剧情交代我哋几个都好爱韦家雄，我哋又武功高强，成日为咗保护老公打到周身伤。我哋嘅残缺系无阻我哋嘅功夫嘅，仲暗示咗我哋每个人嘅能力添。我哋边一样嘢残缺，其实就系擅长嗰样嘢，呢样嘢都几有趣。这次她首度挑战打戏，难怪直呼有趣：好彩我之前有中国舞底子，都应付到，觉得打戏同跳舞有啲相似，只系啲武术要果断啲同埋要用力好多。

何泳芍同陈滢好多对手戏。

展开全文

真系哨牙形。

戴假牙学讲话。

真系爆！

本身好靓女！

李芷晴造型都一绝。

靓女！